Pwede ba kitang iuwi?

Sana'y magtagpo ang ating paningin
At bahala na ang tadhana
Kung saan hahantong 'yon.

Sana lang
'Di ka masyadong mabihag
ng mga ilaw na patay-sindi
O nang mga katawang
Sumasabay
Sa tiyempo ng bahay-musika (house music?! hehe)

'Di ko na matiis
Ang amoy ng lugar na ito.
Ang daming amoy-chico
At ako'y nangangamoy
sigarilyo na.

Kaya sige na,
lingon ka na
at nang magtagpo
na ang ating mga mata
At maiuwi na kita...